NEETHIYIN KARAM UNNAI THAANGUM...Song by SR SARAH NAVROJI

        நீதியின் கரம் உன்னைத் தாங்கும்...

நீதியின் கரம் உன்னைத் தாங்கும்

நித்திய தேவன் உன் கர்த்தர் - அவரின்

பயப்படாதே கலங்கிடாதே 

பொறுமையோடே காத்திருப்பாயே - நீதியின்

1. கூப்பிடும் குரலைக் கேட்பார்

    கர்த்தர் செவியோ மந்தமில்லை

    குருசில் விரித்தழைக்கும் 

    கரங்கள்  குறுகவில்லை 

    பதறிடாமல் அமர்ந்தே ஜெபி

    பதில் கிடைத்திடும் நீ மகிழ்வாய்

2. வாய் திறவாமலே இயேசு 

    வாரடிகள் சகித்து நின்றார்

    உனக்கு சமாதானத்தை 

    உண்டாக்கும்  ஆக்கினையை

    தமது தோளில் சுமந்தார் அவர்

    தழும்பினால் குணம் நீ அடைவாய்

3. தோல்வி போல் தோன்றினும் குருசில்

    தூய இயேசு ஜெயம் சிறந்தார்

    உன்னை போல் சோதிக்கப்பட்டார்

    உனக்கும் உதவி செய்வார் 

    பரமன் சிலுவையை நோக்கிப்பார்

    பிதாவின் மாட்சிமை விளங்கும்

   நீதியின் கரம் உன்னைத் தாங்கும்....- 3